इथेच आणि या बांधावर


इथेच आणि या बांधावर
अशीच श्यामल वेळ
सख्या रे किती रंगला खेळ ||धृ||

शांत धरित्री शांत सरोवर
पवन झुळझुळे शीतल सुंदर
अबोल अस्फुट दोन जीवांचा
अवचित जमला मेळ ||१||

रातराणीचा गंध दरवळे
धुंद काहीसे आतुन उसळे
चंद्र हासला लवली खाली
नक्षत्रांची वेल ||२||

पहाटच्या त्या दवांत भिजुनी
विरली हळूहळू सुंदर रजनी
स्वप्नसुमांवर अजुनी तरंगे
ती सोन्याची वेळ ||३||

[slider title=”अधिक माहिती”]

अधिक माहिती

गायक/गायिका: माणिक वर्मा
संगीतकार:विठ्ठल शिंदे
गीतकार:सुधांशु
[/slider]

Advertisements