घडवीन असे मी वृत्त


घडवीन असे मी वृत्त
प्राणांच्या अलगद खाली
अन करीन पाऊस इथला
शब्दांच्या पूर्ण हवाली.

मावळत्या सूर्यफुलांचा
तू गळ्यात घेशील हार
खडकावर पडते जैसी
अज्ञात जलाची धार

Advertisements

मंदिरे सुनी सुनी


मंदिरे सुनी सुनी, कुठे न दीप काजवा
मेघवाहि श्रावणात ये सुगंधी गारवा

रात्र सूर पेरुनी अशी हळूहळू भरे
समोरच्या धुक्यातली उठून चालली घरे

गळ्यात शब्द गोठले, अशांतता दिसे घनी
दुःख बांधुनी असे क्षितीज झाकिले कुणी

एकदाच व्याकुळा प्रतीध्वनीत हाक दे
देह कोसळून हा नदीत मुक्त वाहू दे

चर्च


धुक्यात हरवलेल्या संध्याकाळी
चर्चच्या घंटा वाजतात
हळुच भविष्याची कवाडे उलगडतात
खिन्नतेची बासरी वाजवत….

मनाची हुरहुर शिगेला पोहचते
पवित्र घंटानादात हरवते, Continue reading

पाऊस



Share on Facebook

पाऊस
देवळाजवळचा ;
पाराजवळचा
पाऊस.
देवळापलीकडचा
परापलीकडचा
पाऊस
सर्व
Continue reading

पांढर्‍या शुभ्र हत्तींचा


पांढर्‍या शुभ्र हत्तींचा , रानातून कळप निघाला
संपूर्ण गर्द शोकाच्या गर्तेतही मिसळून गेला

त्या गुढ उतरत्या मशिदी , पक्ष्यांनी गजबजलेल्या
कल्लोळ पिसांचा उडत्या पंखात लपेटुन बुडाल्या Continue reading

उखाणे


ओळखीच्या वार्‍या
तुझे घर कुठे सांग?
गरूडाच्या पंखामध्ये
डोंगरांची रांग

निळे निर्झरिणी
अगे सारणीचे राणी
खडकाच्या डोळ्यालाही
येते कसे पाणी?

जाईबाई सांगा
तुम्ही मनातले पाप
कळ्यांचीही फुले
कशी आपोआप? Continue reading

या हाताने स्तन गोंदून घे


या हाताने स्तन गोंदून घे
लाव मंदिरी दिवा
फूल होऊनी अंधाराचे
गळून पडे काजवा Continue reading