पुस्तक : गडकिल्ले महाराष्ट्राचे


पुस्तक : गडकिल्ले महाराष्ट्राचे

लेखक : दुर्गमहर्षी प्रमोद मारुती मांडे

फोटो – पुस्तक बिस्तक

 

#दुर्गमहर्षी

Advertisements

हरिश्चंद्रगडावरच्या स्थानिक हॉटेलधारक मित्रांना आवाहन.


©ओंकार ओक

हरिश्चंद्रगडावरच्या स्थानिक हॉटेलधारक मित्रांना आवाहन.

महाराष्ट्र वनविभागाने गडावर दिवसेंदिवस वाढत चाललेल्या कचऱ्याची भीषण समस्या लक्षात घेऊन भावी काळापासून गडावर कॅम्पिंग व हॉटेल चालवण्यास बंदी घालण्याचा विचार कळवला आणि यामुळे अनुक्रमे गिर्यारोहक व स्थानिक हॉटेलधारक यांचं धाबं दणाणलं. स्थानिक हॉटेलधारक येणाऱ्या गिर्यारोहकांना त्यांच्या मोठ्या संख्येमुळे थर्माकोल किंवा प्लास्टिकच्या प्लेट्समधून खाद्यपदार्थ व चहा/ कॉफी देत असल्याने बेशिस्त पर्यटकांना आयतं कोलीत मिळालं आणि गडावर कचऱ्याचे ढिग दिसू लागले. गड कळसूबाई हरिश्चंद्र अभयारण्याच्या परिक्षेत्रात येत असल्याने व वनविभागाने हे सगळं थांबवण्यासाठी आत्तापार्यंत केलेल्या कंठशोषला अपेक्षित प्रतिसाद न मिळाल्याने त्यांच्याही संयमाचा कडेलोट झाला आणि अखेर वन्यजीव कायद्यांना अनुसरून ही कामगिरी करण्यात आली.
अजूनपर्यंत अधिकृत नोटीस न आल्याने गडावरची हॉटेल्स चालू आहेत. यानिमित्ताने भविष्यात हरिश्चंद्रगडाला या कचऱ्याच्या व बेशिस्त पर्यटनाच्या कलियुगातून मुक्ती मिळावी म्हणून सर्व हॉटेलधारक मित्रांना समस्त गिर्यारोहकांच्या वतीने हे आवाहन. आपला मित्र भास्कर बादडने या कार्याचा शुभारंभ केलाच आहे. इतर स्थानिक मित्रांना वनविभागाला सहकार्य करण्यासाठी हे आवाहन. ह्यामुळे ट्रेकर्सचा गडाकडे बघण्याचा दृष्टिकोन सकारात्मक होऊन वनविभागाच्या स्तुत्य उपक्रमाला हातभार लागून एक सुवर्णमध्य निघू शकतो.

  1. गडावर यापुढे (हॉटेल्स चालू ठेवण्याचा निर्णय वनविभागाने घेतल्यास) कोणत्याही परिस्थितीत थर्माकोलच्या प्लेट्स व प्लॅस्टिकचे ग्लास चहा/कॉफी साठी वापरणं ताबडतोब बंद करा आणि स्टीलच्या भांड्यांमध्ये जेवण पुरवण्यास सुरूवात करा. तुम्ही टेंट्ससाठी पाच सहा हजार सहज खर्च करू शकता तर तेच बजेट यासाठी वापरा.
  2. तुमच्याकडे जेवणाची ऑर्डर देण्यासाठी ग्रुप लिडरचा फोन आल्यास त्याला त्याच्यासकट सर्व सदस्यांना आपापले ताट,वाटी, चमचा व Mug आणायला सांगा व त्याची तयारी नसल्यास ती ऑर्डर घेऊ नका. गडाची विदारक अवस्था बघता धंदा महत्वाचा नसून गडावरील वातावरण सुरळीत होणं अत्यंत गरजेचं आहे.

  3. अनेकदा ग्रुपमध्ये काही लोक बॅचलर असतात किंवा वेगळ्या शहरात राहत असतात ज्यांच्याकडे हे घरगुती सामान मिळू शकत नाही. अश्या लोकांसाठी तुम्ही तुमची भांडी वापरल्यास त्यांच्याकडून त्याचं नाममात्र शुल्क घ्या आणि त्यांनाच ती भांडी स्वच्छ करायला सांगा.एका ग्रुपमागे फक्त दोन किंवा तीनच लोकांना तुमच्याकडून ताट वाट्या मिळतील असं स्पष्ट सांगा म्हणजे जो उठेल तो त्याच्यासाठी या सगळ्याची सोय तुम्हाला करायला लावणार नाही.

  4. गडावर गोळ्या,बिस्किटं, चॉकलेट्स, वेफर्स इत्यादी प्लॅस्टिकबंद पदार्थ विकणे (जर विकत असाल तर) ताबडतोब बंद करा. कारण याचाच अतिरेक झाल्याने आज गडाकर ही कारवाई झाली आहे. हे पदार्थ ट्रेकला खाल्ले नाहीत तर कोणीही मरत नाही.

  5. आपापल्या हॉटेल्सच्या बाहेर पॉलिथिन बॅग्स सक्तीने लावून ठेवा आणि पर्यटकांनी (हा शब्द मुद्दाम वापरला आहे) स्वतःबरोबर आणलेलं प्लास्टिक त्यातच टाकायची कडक सूचना करा. तसं त्यांनी न केल्यास त्यांच्या पुढच्या ऑर्डर्स सरळ कॅन्सल करा (सगळ्यांनीच हे केलं तर या लोकांच्या जेवणाखाण्याची बोंब होईल). चार पैसे मिळत आहेत असा हव्यास धरलात तर हॉटेल कायमचं बंद होईल आणि तुम्ही तिथे नाही म्हणल्यावर हे सगळं नियमित करण्यासाठी वनविभागावर मनुष्यबळाचा अतिरीक्त ताण पडेल. तेव्हा वेळीच जागे व्हा. तुम्ही गिर्यारोहक आणि वनविभाग यांच्यातला स्थानिक दुवा आहात हे लक्षात ठेवा.

  6. पॉलिथीन बॅगमध्ये गोळा केलेला सुका कचरा रविवारी गडाखाली आणून त्याची योग्य विल्हेवाट लावा. गडावर प्लास्टिकचा कचरा जाळल्याने पर्यावरणाला नुकसान झाल्यास तुमच्यावर गुन्हा दाखल होऊ शकतो.

आज गडाची अवस्था भयाण झाली आहे. त्यामुळे वनविभागाला सहकार्य करणं ही गिर्यारोहकांबरोबर स्थानिकांचीही समान जबाबदारी आहे आणि हॉटेलधारक हे सगळं पाळत आहेत का नाही यावर लक्ष ठेवायची जबाबदारी आपलीच आहे. गडावरील हॉटेल बंद झाल्यास रोजगाराचा प्रश्न तर उत्पन्न होणारच आहे पण बेशिस्त पर्यटनावर नजर ठेवायला मात्र तिथे स्थानिक पातळीवर कोणीही नसेल. तेव्हा आपला हरिश्चंद्रगड वाचवायची जबाबदारी आता आपली आहे. सर्वांनी एकत्र येऊन हा गोवर्धन पर्वत उचलूया आणि हरिश्चंद्राच्या देखण्या रुपयाला पुनरुज्जीवीत करूया.

टीप : जे स्थानिक हॉटेलधारक फेसबुकवर नाहीत त्यांच्यापर्यंत हा मेसेज Whatsapp च्या माध्यमातून पोचवण्यात येत आहे.

©ओंकार ओक

काही कमेंटबहाद्दरांना नम्र विनंती : पोस्टचा मतीदार्थ लक्षात घ्यावा. काही उपयुक्त सूचना असल्यास शांतपणे कराव्यात. पण उगाच “हे कसं चुकलं. आम्हीच कसे बरोबर” असली बोटं घालून स्वतःच्या अपमानाची तरतूद करून घेऊ नका म्हणजे झालं.

अलफाज डॉट कॉम – फारूक एस.काझी


अलफाज डॉट कॉम....धम्माल कथा.

अलफाज डॉट कॉम….धम्माल कथा.

#अलफाजडॉटकॉम
आज एक स्वप्न पूर्ण होतंय. खरंतर अलफाज डॉट कॉम काय आहे हे बरेच दिवस एक गुपित होतं. ही माझी वेबसाईट आहे असंच बऱ्याच जणांना वाटलं. या कथा आहेत अलफाज आणि त्याच्या भावविश्वाच्या. तुम्हासर्वांसाठी या कथा घेऊन आलो आहोत.
यात माझ्यासोबत योगदान दिलं ते Yogita Dhote आणि प्रवीण लोहार या मित्रांनी. आमची ओळख फक्त फेसबुकवरची. आम्ही एकदाही भेटलेलो नाही. whatsapp हे एकमेव माध्यम. त्यांची मदत नसती तर कदाचित हे स्वप्न पूर्ण होणं शक्य नव्हतं. Masik Rugved मधून या कथा क्रमश: प्रकाशित झाल्या. आता E Sahity Pratishthan कडून ह्या कथा एका सुंदर ई बुक स्वरुपात तुमच्या समोर आणत आहोत. याचं प्रकाशन जरी १४ नोव्हेबरला असलं तरी याची खरी तारीख २१ ऑक्टोबर ही आहे. तो अलफाजचा वाढदिवस. त्याच्या वाढदिवसाला त्याच्या अब्बूची त्याला भेट…….
या कथा सत्य घटना असून त्यांना कथारूप देण्याचा प्रयत्न आहे.
या कथा फक्त मुलांसाठी नाहीत, हे मी आधीच स्पष्ट केलं पाहिजे. कारण या कथा मुलांशी संबंधित असणाऱ्या सर्वांसाठी आहे. वाचून आपला अभिप्राय जरूर नोंदवा. हे पुस्तक मोफत आहे, फुकट नाही. याची जाणीव वाचकांना निश्चितच असेल. कारण यासाठी तुम्ही आपली काही मिनिटं खर्ची घालायची आहेत. एक मला कळवा, चित्रांसाठी योगिता, सुलेखनासाठी प्रवीण आणि प्रकाशनाला कळवा. आम्ही आपल्या प्रतिसादाची वाट पाहत आहोत.
सादर आहे अलफाज डॉट कॉम आपल्या सर्वांसाठी.
खूप सारं प्रेम आणि दुआ आमच्या सोबत असू दया.
खाली दिलेल्या लिंकवर जाऊन हे पुस्तक download करून घ्या. आनंदाचं एक वर्तुळ पूर्ण करुया. आपल्या मित्र मैत्रिणी यांना शेअर करा. शिक्षक ,तरून कार्यकर्त्यांना विनंती, मुलापर्यंत हे पुस्तक पोचवा. ज्यांच्यासाठी हा अट्टाहास त्यांच्यापर्यंत पोचवण्याची जबाबदारी आता तुमची आहे. तुम्हीच आता आनंदाचे दूत व्हावे.

http://www.esahity.com/uploads/5/0/1/2/501218/alfaazdotcom_faruk_kazi.pdf

आपलाच
फारूक एस.काझी

मंदिरे सुनी सुनी


मंदिरे सुनी सुनी, कुठे न दीप काजवा
मेघवाहि श्रावणात ये सुगंधी गारवा

रात्र सूर पेरुनी अशी हळूहळू भरे
समोरच्या धुक्यातली उठून चालली घरे

गळ्यात शब्द गोठले, अशांतता दिसे घनी
दुःख बांधुनी असे क्षितीज झाकिले कुणी

एकदाच व्याकुळा प्रतीध्वनीत हाक दे
देह कोसळून हा नदीत मुक्त वाहू दे

पिंड द्यावा


कवीला कवितेचा पिंड द्यावा
म्हणजे तो आपली
धिंड काढीत नाही
अन् डोहांत पडलेल्या चंद्राची
खिंडही अडवीत नाही…
कवितेचा पिंड ठेवला
की कवीचा पटकन्
कावळा होतो

  • सदानंद रेगे
    Image courtesy: BG Limaye

असेन मी, नसेन मी



असेन मी, नसेन मी, तरी असेल गीत हे
फुलाफुलांत येथल्या उद्या हसेल गीत हे Continue reading